ປາຖະກະຖາ ວັນສ້າງຕັ້ງພັກ ປະຊາຊົນປະຕິວັດລາວ ຄົບຮອບ 66 ປີ ແລະ ຄຽດແຄ້ນຂອງປະຊາຊົນລາວ ຄົບຮອບ 75 ປີ

ລາຍລະອຽດ

ສ້າງຂື້ນເມື່ອ ວັນພຸດ, 24 ມີນາ 2021 05:03

ຂຽນໂດຍ ທ້າວ ສອນຫຼ້າ

         ຄະນະໂຄສະນາອົບຮົມແຂວງ ບໍ່ແກ້ວ ໄດ້ຈັດຕັ້ງປາຖະກະຖາ ວັນສ້າງຕັ້ງພັກ ປະຊາຊົນ ປະຕິວັດລາວ ຄົບຮອບ 66 ປີ ແລະ ວັນຄຽດແຄ້ນ ຂອງປະຊາຊົນລາວ-ວັນນັກຮົບເສຍອົງຄະ ແລະ ເສຍສະຫຼະຊີວິດ ເພື່ອປະເທດຊາດ ຄົບຮອບ 75 ປີ ໃນຕອນເຊົ້າຂອງວັນທີ 14 ມີນາ 2021 ຢູ່ທີ່ ຫ້ອງປະຊຸມຄະນະໂຄສະນາອົບຮົມແຂວງ ບໍ່ແກ້ວ ໃຫ້ກຽດເປັນປະທານ ຂອງທ່ານ ຄອນສະຫວັນ ຊາພັກດີ ເລຂາໜ່ວຍພັກ ຫົວໜ້າຄະນະໂຄສະນາອົບຮົມແຂວງ ບໍ່ແກ້ວ.ມີສະມາຊີກພັກ, ພະນັກງານລັດຖະກອນພາຍໃນຄະນະໂຄສະນາອົບຮົມແຂວງ ເຂົ້າຮ່ວມທັງໝົດ 23 ສະຫາຍ, ຍິງ 8 ສະຫາຍ.

         ການຈັດຕັ້ງປາຖະກະຖາຄັ້ງນີ້ ເພື່ອເປັນການຫວນຄືນມູນເຊື້ອປະຫວັດສາດ, ມູນເຊື້ອອັນດີງາມຂອງຜູ້ນຳພັກ-ລັດ ແລະ ຄຸນງາມຄວາມດີຂອງປະທານ ໄກສອນ ພົມວິຫານ ອາດິດການນຳສູງສຸດຂອງພັກ ຜູ້ກໍ່ຕັ້ງພັກ ປະຊາຊົນ ປະຕິວັດລາວ , ຜູ້ສ້າງຕັ້ງກອງທັບ ປະຊາຊົນລາວ  ແລະ ຜູ້ວາງແນວທາງປ່ຽນແປງໃໝ່ຂອງພັກທີ່ສະຫຼາດສ່ອງໃສຍ້ອນພາລະກິດ ແລະ ບຸນຄຸນອັນຍິ່ງໃຫຍ່ຂອງທ່ານ ປະທານ ໄກສອນ ຂອງພວກເຮົາ ຈຶ່ງຫຼຸດພົ້ນອອກຈາກການກົດຂີ່ຂູດຮີດຂອງພວກສັກດີນາ ແລະ ພວກລ່າເມືອງຂຶ້ນ ສາມາດຍາດໄດ້ໄຊຊະນະຢ່າງສົມບູນ, ປະເທດຊາດໄດ້ຮັບການພັດທະນາກ້າວຂຶ້ນຢ່າງບໍ່ຢຸດຢັ້ງ.

ພິທີວາງພວງມາລາ ທີ່ອະນຸສາວະລີນັກຮົບນິລະນາມ (ຄ້າຍປ່າໄລ) ແລະ ວາງກະຕ່າດອກໄມ້ ທີ່ອະນຸສອນສະຖານ ປະທານ ໄກສອນ ພົມວິຫານ.

ລາຍລະອຽດ

ສ້າງຂື້ນເມື່ອ ວັນພຸດ, 24 ມີນາ 2021 05:00

ຂຽນໂດຍ ທ້າວ ສອນຫຼ້າ

ປາຖະກະຖາວັນແມ່ຍິງສາກົນວັນທີ 8 ມີນາ ຄົບຮອບ 111 ປີ

ລາຍລະອຽດ

ສ້າງຂື້ນເມື່ອ ວັນອັງຄານ, 09 ມີນາ 2021 07:51

ຂຽນໂດຍ ທ້າວ ສອນຫຼ້າ

ຫວນຄືນວັນແມ່ຍິງສາກົນ ຄົບຮອບ 111 ປີ ວັນທີ 8 ມີນາ 1910-8 ມີນາ 2021

        ໃນວັນທີ 4 ມີນາ 2021 ຄະນະໂຄສະນາອົບຮົມແຂວງ ບໍ່ແກ້ວ ໄດ້ຈັດຕັ້ງປາຖະກະຖາວັນແມ່ຍິງສາກົນ ຄົບຮອບ 111 ປີ ວັນທີ 8 ມີນາ 2021.  ຢູ່ທີຫ້ອງປະຊຸມຄະນະໂຄສະນາອົບຮົມແຂວງ ໃຫ້ກຽດຂຶ້ນເລົ່າມູນເຊື້ອໃນຄັ້ງນີ້ໂດຍທ່ານ ຄອນສະຫັວຍຊາພັກດີ ກຳມະການພັກແຂວງ ຫົວໜ້າຄະນະໂຄສະນາອົບຮົມແຂວງ, ມີຫົວໜ້າ-ຮອງຫົວໜ້າຄະນະໂຄສະນາອົບຮົມແຂວງ, ຫົວໜ້າ-ຮອງຫົວໜ້າຂະແໜງ, ສະມາຊິກພັກ, ພະນັກງານ-ລັດຖະກອນພາຍໃນຄະນະໂຄສະນາອົບຮົມແຂວງເຂົ້າຮ່ວມທັງໝົດ 24 ສະຫາຍ, ຍິງ 9 ສະຫາຍ.

      ວັນແມ່ຍິງສາກົນແມ່ນເຫດການ-ການເມືອງທີ່ສຳຄັນ, ເປັນຂີດໝາຍແຫ່ງໄຊຊະນະຂອງຂະບວນການແມ່ຍິງ, ການຕໍ່ສູ້ທວງເອົາສິດຜົນປະໂຫຍດອັນເປັນທຳໃຫ້ແກ່ແມ່ຍິງຊາວຜູ້ອອກແຮງງານໃນທົ່ວໂລກ, ເປັນວັນລະນຶກຄຸນງາມຄວາມດີຂອງແມ່ຍິງທີ່ໄດ້ຕໍ່ສູ້ເພື່ອປົດປ່ອຍຕົນເອງ ແລະ ທວງເອົາສິດສະເໝີພາບ ປະຊາທິປະໄຕຄືກັນກັບຜູ້ຊາຍ, ເຊິ່ງໄດ້ທວງໃຫ້ພວກນາຍທຶນແກ້ໄຂຊີວິດການເປັນຢູ່ຂອງແມ່ຍິງພາຍໃຕ້ຄຳຂວັນ " ຜູ້ໜຶ່ງເຮັດວຽກມື້ລະ 8 ຊົ່ວໂມງ" ແມ່ຍິງ ແລະ ຜູ້ຊາຍເຮັດວຽກຄືກັນຕ້ອງໄດ້ຮັບເງິນເດືອນເທົ່າກັນ, ຕ້ອງມີລະບອບກປ້ອງກັນສຸຂະພາບແມ່ຍິງ ແລະ ເດັກນ້ອຍ, ນັບແຕ່ມື້ນັ້ນມາວັນທີ 8 ມີນາ ຈິ່ງເປັນວັນແມ່ຍິງສາກົນ.

ເຊື່ອມຊຶມຄຳແນະນຳກ່ຽວກັບການຫັນປ່ຽນແບບແຜນການດຳລົງຊິວິດປົກກະຕິແບບໃໝ່ ປີ 2021

ລາຍລະອຽດ

ສ້າງຂື້ນເມື່ອ ວັນພະຫັດ, 18 ກຸມພາ 2021 08:22

ຂຽນໂດຍ ທ້າວ ສອນຫຼ້າ

          ສະຫາຍ ຄອນສະຫວັນ ຊາພັກດີ ກຳມະການພັກແຂວງ, ຫົວໜ້າຄະນະໂຄສະນາອົບຮົມແຂວງ ບໍ່ແກ້ວ ໄດ້ເຊື່ອມຊຶມຄຳແນະນຳກ່ຽວກັບການຫັນປ່ຽນແບບແຜນການດຳລົງຊິວິດປົກກະຕິແບບໃໝ່ໃຫ້ພະນັກງານ-ລັດຖະກອນ ແລະ ສະມາຊິກພັກພາຍໃນຄະນະໂຄສະນາອົບຮົມແຂວງ ໃນຕອນເຊົ້າຂອງວັນທີ 17 ກຸມພາ 2021 ທີ່ຫ້ອງປະຊຸມຄະນະໂຄສະນາອົບຮົມແຂວງ ບໍ່ແກ້ວ. ມີຫົວໜ້າ, ຮອງຫົວໜ້າຄະນາໂຄສະນາອົບຮົມແຂວງ, ຫົວໜ້າ, ຮອງຫົວໜ້າຂະແໜງ, ສະມາຊິກພັັກ ແລະ ພະນັກງານ-ລັດຖະກອນເຂົ້າຮ່ວມ

          ໃນປັດຈຸບັນສະພາບການຂອງໂລກ, ພາກພື້ນ ແລະ ປະເທດໃກ້ຄຽງ ການລະບາດຂອງພະຍາດໂຄວິດ 19 ຍັງມີທ່າອ່ຽງເພິ່ມຂຶ້ນເລື້ອຍໆ ແລະ ກໍຍັງບໍ່ມີປະເທດໃດສາມາດສະກັດກັ້ນໄດ້ຢ່າງຂາດຕົວ ເນື່ອງຈາກເຊື້ອພະຍາດດັ່ງກ່າວໄດ້ກ່າຍພັນເປັນສາຍພັນໃໝ່ ສະເພາະຢູ່ ສປປ ລາວ ເປັນຕົ້ນແມ່ນແຂວງ ບໍ່ແກວຂອງພວກເຮົາ ຍິງມີຄວາມສ່ຽງສູງທີ່ຈະຕິດເຊື້ອພະຍາດ, ຍ້ອນວ່າແຂວງ ບໍ່ແກ້ວມີຊາຍແດນຕິດກັບບັນດາປະເທດທີ່ມີການແຜ່ລະບາດຂອງພະຍາດດັ່ງກ່າວ. ສະນັ້ນ, ເພື່ອເປັນພັນຂະຫຍາຍເນື້ອໃນຈິດໃຈຂອງຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດ. ຫັນປ່ຽນແບບແຜນການດຳລົງຊິວິດແບບໃໝ່ໃນທົ່ວສັງຄົມໃຫ້ເປັນເອກະພາບ ແລະ ເຂັ້ມງວດຂຶ້ນຕຶ່ມ.

ພິທີມອບ-ບັດສະມາຊິກພັກ ໜ່ວຍພັກ ຄອຂ ບໍ່ແກ້ວ 2020

ລາຍລະອຽດ

ສ້າງຂື້ນເມື່ອ ວັນພະຫັດ, 04 ກຸມພາ 2021 04:11

ຂຽນໂດຍ ທ້າວ ສອນຫຼ້າ

        ໜ່ວຍພັກຄະນະໂຄສະນາອົບຮົມແຂວງ ບໍ່ແກ້ວ ໄດ້ຈັດພິທີມອບບັດສະມາຊິກພັກ ຊຸດທີ I ໃນ ວັນທີ 22 ຕຸລາ 2020 ທີ່ຫ້ອງປະຊຸມໃຫຍ່ ຄະນະໂຄສະນາອົບຮົມແຂວງ ໃຫ້ກຽດເປັນປະທານຂອງທ່ານ ສຸກຄະ ຫຼຽນທອງຄຳ, ຄະນະປະຈຳພັກແຂວງ, ເລຂາໜ່ວຍພັກຄະນະໂຄສະນາອົບຮົມແຂວງ ມີສະມາຊິກພັກເຂົ້າຮ່ວມທັງໝົດ 19 ສະຫາຍ, ຍິງ 7 ສະຫາຍ ໃນນັ້ນ ສະມາຊິກພັກສົມບຸນ 18 ສະຫາຍ, ຍິງ 6 ສະຫາຍ, ສຳຮອງ 1 ສະຫາຍ, ຍິງ 1 ສະຫາຍ. ໃນພິທີມີສະມາຊິກທີ່ຮັບບັດ 4 ສະຫາຍຄື:

       1, ສະຫາຍ ສອນຫຼ້າ ລີໄຊຢ່າງ

       2, ສະຫາຍ ອານຸສັກ ແກ້ວໄຊຍະວົງ

       3, ສະຫາຍ ນາງ ອ່ອນດີ ສຸລິຍະແສງ

       4, ສະຫາຍ ນາງ ສອນເພັດ ວັນນຸສັກ

    ສະຫາຍເລຂາໄດ້ມີຄຳເຫັນເນັ້ນໃຫ້ສະມາຊິກພັກທັງ 4 ສະຫາຍ ນຳເອົາບັດຂອງຕົນໄປນຳໃຊ້ໃນທິດທາງທີ່ຖືກຕ້ອງຕາມກົດລະບຽບຂອງພັກວາງອອກ ແລະ ສືບຕໍ່ເປັນແບບຢ່າງນຳໜ້າໃຫ້ມະຫາຊົນລຸ້ນຫຼັງ ພ້ອມທັງ ຂຶ້ນຮັບຄຳໂອວາດຂອງສະຫາຍເລຂາ.