ວິດີໂອທັງໝົດ

ລາຍລະອຽດ

ສ້າງຂື້ນເມື່ອ ວັນພະຫັດ, 02 ພຶດສະພາ 2019 06:43

ຂຽນໂດຍ am

ປະຫວັດຄວາມເປັນມາຂອງແຂວງ

ລາຍລະອຽດ

ສ້າງຂື້ນເມື່ອ ວັນພຸດ, 14 ກັນຍາ 2016 03:36

  ແຂວງບໍ່ແກ້ວຫົວເມືອງໄດ້ຖືກແຍກອອກຈາກປີ 2526 (ຫົວຫນ້າຂອງເມືອງດັ່ງກ່າວໄດ້ລາຍແລະແບ່ງ ອອກເປັນສອງຖະຫນົນຫົນທາງ) ເປັນຫລວງນ້ໍາທາແລະແຂວງບໍ່ແກ້ວໃນມື້ນີ້. ສ້າງຕັ້ງຂຶ້ນເປັນຖະຫນົນຫົນທາງໃຫມ່ ຫຼັງຈາກນັ້ນ, ນະຄອນຂອງ Sand Creek ໄດ້ ທີ່ເປັນເມືອງຫລວງຂອງອະດີດຫົວຫນ້າຂອງ ເທດສະບານເມືອງຂອງແຂວງບໍ່ແກ້ວຕໍ່ມາ, ໃນ 2534, ໄດ້ມີການຍົກຍ້າຍຂອງການແຜ່ກະຈາຍປາກແລະ cliff ເມືອງອຸດົມສົມບູນຂອງແຂວງອຸດົມໄຊໄດ້.

ອ່ານເພີ່ມເຕີມ...

ຊາວແຂວງ ບໍ່ແກ້ວ ໂຮມຊຸມນຸມສະເຫຼີມສະຫຼອງວັນສະຖາປະນາຄົບຮອບ 45 ປີ ແລະ ວັນເກີດທ່ານ ໄກສອນ ພົມວິຫານ ຄົບຮອບ 100 ປີ

ລາຍລະອຽດ

ສ້າງຂື້ນເມື່ອ ວັນອັງຄານ, 05 ມັງກອນ 2021 08:03

ຂຽນໂດຍ ທ້າວ ສອນຫຼ້າ

             ຄະນະໂຄສະນາອົບຮົມແຂວງ ບໍ່ແກ້ວໄດ້ໄດ້ຈັດພິທີໂຮມຊຸມນຸມໃຫຍ່ສະເຫຼີມສະຫຼອງ ວັນສະຖາປະນາ ຄົບຮອບ 45 ປີ ແລະ ວັນເກີດທ່ານ ໄກສອນ ພົມວິຫານ ຄົບຮອບ 100 ປີ ໃນວັນທີ 8 ທັນວາ 2020 ຢູ່ທີຫໍວັດທະນະທຳແຂວງ ບໍ່ແກ້ວ ໃຫ້ກຽດຂຶ້ນເລົ່າມູນເຊື້ອໂດຍ ສະຫາຍ ປອ ບົວຄົງ ນາມມະວົງ ກຳມະການສຳຮອງສູນກາງພັກ, ເລຂາຄະນະບໍລິຫານງານພັກແຂວງ,  ເຈົ້າແຂວງໆ ບໍ່ແກ້ວ ເປົ້າໝາຍເຂົ້າຮ່ວມມີ ຄະນະປະຈຳພັກແຂວງ, ກຳມະການພັກແຂວງ, ຫົວໜ້າ-ຮອງຫົວໜ້າພະແນກການ-ກົມກອງ, ສະມາຊິກພັກ, ພະນັກງານ-ລັດຖະກອນອ້ອມຂ້າງແຂວງ, ມີພະນັກງານບຳນາມ ແລະ ພໍ່ແມ່ປະຊາຊົນ 8 ບ້ານໃນເທດສະບານແຂວງເຂົ້າຮ່ວມມີທັງໝົດ 980 ສະຫາຍ.

          ໃນງານໂຮມຊຸມນຸມ ອັນມີຄວາມໝາຍສຳຄັນນີ້ ສະຫາຍ ປອ ບົວຄົງ ນາມມະວົງ ກຳມະການສຳຮອງສູນກາງພັກ, ເລຂາຄະນະບໍລິຫານງານພັກແຂວງ, ເຈົ້າແຂວງໆ ບໍ່ແກ້ວ ກໍໄດ້ຂືຶ້ນເລົ່າມູນເຊື້ອໃນງານໂຮມຊຸມນຸມ ສະຫາຍ ໄດ້ຫວນຄືນເຖິງ ປະຫວັດສາດແຫ່ງການຕໍ່ສູ້ລຸກຮືຂຶ້ນຂອງປະຊາຊົນພາກໃຕ້ການນຳພາຂອງພັກປະຊາຊົນ ປະຕິວັດລາວ ແລະ ການນຳພາກໍ່ຕັ້ງຖະນຸບຳລຸງ, ກໍ່ສ້າງພັກ, ນຳພາພາລະກິດຕໍ່ສູ້ກູ້ຊາດ, ນຳພາສ້າງຕັ້ງລະບອບໃໝ່ ແລະ ການນຳພາສ້າງສາພັດທະນາປະເທດຊາດຕາມຈຸດໝາຍສັງຄົມນິຍົມ ຂອງປະທານ ໄກສອນ ພົມວິຫານ ຜູ້ນຳທີ່ແສນສະຫຼາດສ່ອງໃສ ແລະ ບັນດາເຫດການສຳຄັນຕ່າງໆ ທີ່ເປັນເງື່ອນໄຂໃຫ້ແກ່ການຍຶດອຳນາດການປົກຄອງຢ່າງສົມບູນມາສູ່ກຳມືຂອງປະຊາຊົນລາວ ແລະ ພາຍໃຕ້ການນຳພາໂດຍກົງຂອງສູນກາງພັກເຊິ່ງມີປະທານ ໄກສອນ ພົມວິຫານເປັນ ຫົວໜ້າ ກອງປະຊຸມໃຫຍ່ຜູ້ແທນປະຊາຊົນທົ່ວປະເທດ ໄດ້ໄຂຂຶ້ນຢ່າງສະຫງ່າ ຜາເຜີຍໃນວັນທີ 2 ທັນວາ ປີ 1975 ພ້ອມທັງປະກາດລົບລ້າງອຳນາດການປົກຄອງເກົ່າ ສະຖາປະນາ ສາທາລະນະລັດ ປະຊາທິປະໄຕ ປະຊາຊົນລາວ ເປີດສັງກາດໃໝ່ເປັນແຫຼ່ງເອກະລາດ ອິດສະຫຼະພາບ ແລະ ຄວາມເປັນເຈົ້າອັນແທ້ຈິງຂອງປະຊາຊົນບັນດາເຜົ່າ.

          ໃນບົດສະຫາຍ ຍັງໄດ້ຍົກໃຫ້ເຫັນຜົນງານໃນໄລຍະຜ່ານມາໃນພາລະກິດປ່ຽນແປງໃໝ່ທີ່ໄດ້ເຮັດໃຫ້ການພັດທະນາເສດຖະກິດ-ສັງຄົມຂອງ ສປປ ລາວໄດ້ມີບາດກ້າວຂະຫຍາຍຕົວຢ່າງຕໍ່ເນື່ອງ, ໝັ້ນທ່ຽງ, ປະເທດຊາດມີສະຖຽນລະພາບ ປະຊາຊົນມີຄວາມຜາສຸກ,  ປະຊາຊົນພາຍໃນແຂວງໄດ້ມີໃບໜ້າອັນໃໝ່, ສັງຄົມມີຄວາມສີວິໄລ-ສະຫງົບປອດໄພ, ນັ້ນແມ່ນຜົນງານຄະນະພັກ, ອົງການປົກຄອງທຸກຂັ້ນ ແລະ ປະຊາຊົນບັນດາເຜົ່າ ແຂວງ ບໍ່ແກ້ວ ຍາດມາໄດ້ນັບແຕ່ສ້າງຕັ້ງແຂວງ ບໍ່ແກ້ວ ມາຮອດປະຈຸບັນ; ນອກນັ້ນໃນບົດປາໄສ ຍັງຍົກໃຫ້ເຫັນອິກຕຶ່ມເຖິງດ້ານຄົງຄ້າງທີ່ເລັ່ງທວງໃຫ້ຄະນະນຳຂອງພັກ, ອົງການປົກຄອງທຸກຂັ້ນ, ສະມາຊິກພັກ, ພະນັກງານ-ລັດຖະກອນ ແລະ ປະຊາຊົນບັນດາເຜົ່າຈະຕ້ອງໄດ້ເປັນເຈົ້າການຮີບຮ້ອນແກ້ໄຂຢ່າງຕ່າງໜ້າ.

ສຳເລັດກອງປະຊຸມຕີລາຄາຜົນງານໜ່ວຍພັກຄະນະໂຄສະນາ-ອົບຮົມແຂວງ ບໍ່ແກ້ວ ປະຈຳປີ 2020

ລາຍລະອຽດ

ສ້າງຂື້ນເມື່ອ ວັນພະຫັດ, 12 ພະຈິກ 2020 05:35

ຂຽນໂດຍ ທ້າວ ສອນຫຼ້າ

        ຄະນະ​ໂຄສະນາ-ອົບຮົມ​ແຂວງ ໄດ້​ຈັດກອງປະຊຸມດຳເນີນຊີວິດການເມືອງປະ​ເມີນ​ຕີ​ລາ​ຄາ ​ແລະ ຈັດ​ແບ່ງ​ປະ​ເພດສະມາຊິກພັກ ຂຶ້ນ​ໃນວັນ​ທີ 12 ພະຈິກ 2020 ຢູ່ທີ່ຫ້ອງ​ປະຊຸມຂອງຄະນະ​ໂຄສະ ນາອົບຮົມ​ແຂວງ ​ໃຫ້​ກຽດ​ເປັນ​ປະທານ ໂດຍສະຫາຍ ສຸກຂະ ຫຼຽນທອງຄຳ ​ຄະນະປະຈຳພັກແຂວງ, ເລຂາ​ໜ່ວຍ​ພັກ, ປະທານ  ຄະນະກວດກາພັກ-ລັດແຂວງ, ມີບັນດາ​ແຂກ​ຮັບ​ເຊີນຕະຫຼອດ​ຮອດສະມາຊິກ​ພັກ​ເຂົ້າ​ຮ່ວມ ມີຜູ້ເຂົ້າຮ່ວມທັງໝົດ 19 ສະຫາຍ, ຍິງ 7 ສະຫາຍ ສຳຮອງ 1 ສະຫາຍ, ຍິງ 1 ສະຫາຍ.

        ກອງ​ປະຊຸມ​ສະຫາຍ​ເລຂາໄດ້​ໃຫ້​ຮູ້​ວ່າ ການ​ດຳ​ເນີນຊີວິດ​ການ​ເມືອງ ​ແລະ ການ​ປະ​ເມີນ​ຜົນ​​ໃນ​ຄັ້ງ​ນີ້​ເປັນການສະຫຼຸບ​ຕີ​ລາຄາ​​ຄືນ​ການ​ຈັດ​ຕັ້ງປະຕິບັດ, ການ​ເຄື່ອນ​ໄຫວ, ການ​ຊີ້​ນຳ​-ນຳພາ​ຂອງ​ໜ່ວຍ​ພັກ​ ​ແລະ ​ການ​ກວດກາ​ຕີ​ລາຄາ​ຄືນການຈັດ​ຕັ້ງ​ປະຕິບັດ​ໜ້າ​ທີ່ການ​ເມືອງ​ ຂອງ​​ແຕ່ລະສະຫາຍສະມາ​ຊີກ​ພັກໃນ​ໜຶ່ງ​ປີຜ່ານ​ມາ ພ້ອມ​ທັງ​ກຳນົດ​ທິດ​ທາງ​ແຜນການ​ໃນ​ປີ 2021. ​ຊອກ​ໃຫ້​ເຫັນ​ດ້ານ​ດີ​-ຜົນງານ ​ແລ​ະ ດ້ານ​ອ່ອນ-ຂໍ້ຄົງ​ຄ້າງ ເພື່ອ​ນຳ​ມາປັບປຸງ​​ແກ້ໄຂ​ໃຫ້​ດີຂຶ້ນ​ສາມາດ​ຕອບ​ສະໜອງ​ຄວາມ​ຮຽກຮ້ອງ​ຕ້ອງການ​ ຂອງ​ໜ້າທີ່​ການ​ເມືອງ​ໃນ​ໄລຍະ​ໃໝ່, ພ້ອມ​ທັງ​ຜ່ານຮ່າງ​ບົດ​ສະຫຼຸບ​ການການ​ກໍ່ສ້າງ​ໜ່ວຍ​ພັກ​ປອດ​ໃສ, ​ເຂັ້ມ​ແຂງ, ໜັກ​ແໜ້ນ ປະຈຳ​ປີ 2020 ​ແລະ ທິດ​ທາງ​ແຜ​ນການ ປີ 2021 ອັນ​ຍົກ​​ໃຫ້​​​ເຫັນຜົນສຳ​ເລັດ​ວຽກ​ງານ​ແຕ່​ລະ​ດ້ານຂອງ​ໜ່ວຍ​ພັກ ​ແລະ​ສະມາ​ຊີກ​ພັກ. ​ ຈາກ​ນັ້ນ​ສະມາ​ຊິກ​ພັກ​ແຕ່​ລະສະ​ຫາຍ​ໄດ້​ຜ່ານ​ບົດ​ຕີ​ລາຄາຂອງ​ຕົນ​ເອງ​ ຍົກ​ໃຫ້​ເຫັນ​ຜົນງານ​ທີ່​ພົ້ນ​ເດັ່ນ, ດ້ານ​ອ່ອນ-ຂໍ້ຄົງ​ຄ້າງ, ວິທີ​ແກ້​​ໄຂ​ໃນ​ຕໍ່ໜ້າ, ໝູ່ຄະນະປະກອບ​ຄຳ​ເຫັນ​ເພື່ອ​ເປັນ​ການ​ຕຳນິສົ່ງ​ຂ່າວ, ກໍ່ສ້າງຊ່ວຍ​ເຫຼືອ​ເຊິ່ງກັນ ​ແລະ ກັນໃຫ້​ມີ​ຄວາມ​ກ້າວໜ້າ, ຫ້າວຫັນ​ໃນ​ການ​ປະຕິບັດ​ໜ້າ​ທີ່​ວຽກ​ງານ​ໃນ​ຕໍ່ໜ້າ ພ້ອມ​ທັງ​ໃຫ້​ຄະ​ແນນ​ແບບ​ປິດ​ຫຼັບຂອງສະມາ​ຊິ​ກພັກ​​ແຕ່​ລະສະ​ຫາຍ.

ສຳເລັດການປະເມີນລັດຖະກອນຄະນະໂຄສະນາອົບຮົມແຂວງ ບໍ່ແກ້ວ ປະຈຳປີ 2020

ລາຍລະອຽດ

ສ້າງຂື້ນເມື່ອ ວັນພະຫັດ, 12 ພະຈິກ 2020 05:26

ຂຽນໂດຍ ທ້າວ ສອນຫຼ້າ

         ຄະນະ​ໂຄສະນາ-ອົບຮົມ​ແຂວງ ບໍ່ແກ້ວ ໄດ້​ຈັດກອງປະຊຸມຕີລາຄາ​ການ​ປະ​ເມີນ​ຜົນງານຂອງພະນັກງານ-ລັດຖະກອນ ປະຈຳປີ 2020 ຂຶ້ນ​ໃນ​ ລະຫວ່າງ​ວັນ​ທີ 10-11 ພະຈິກ 2020 ຢູ່ທີ່ຫ້ອງ​ປະຊຸມຄະນະ​ໂຄສະນາອົບຮົມ​ແຂວງ ​ໃຫ້​ກຽດ​ເປັນ​ປະທານ ໂດຍທ່ານ ສຸກຂະ ຫຼຽນທອງຄຳ ຄະນະປະຈຳພັກແຂວງ ປະທານຄະນະ​ກວດກາພັກ-ລັດແຂວງ, ມີບັນດາ​ແຂກ​ຮັບ​ເຊີນ ຕະຫຼອດ​ຮອດພະນັກງານ​ລັດຖະກອນ​ເຂົ້າ​ຮ່ວມ ມີຜູ້ເຂົ້າຮ່ວມທັງໝົດ 21 ທ່ານ, ຍິງ 7 ທ່ານ ໃນນັ້ນສະມາຊິກພັກ 19 ສະຫາຍ, ຍິງ 6 ສະຫາຍ.

        ປະ​ທານ​ກອງ​ປະຊຸມ​ໄດ້​ໃຫ້​ຮູ້​ວ່າ ການ​ປະ​ເມີນ​ຜົນ​ແມ່ນ​ການ​ກວດກາ​ນຄືນ​ການ​ປະຕິບັດ​ວຽກ​ງານ​ຂອງ​ພະນັງ​ການ​ລັດຖະກອນ​ໃນ​ໜຶ່ງ​ປີຜ່ານ​ມາ ຊອກ​ໃຫ້​ເຫັນ​ດ້ານ​ດີ​-ຜົນງານ ​ແລ​ະ ດ້ານ​ອ່ອນ-ຂໍ້ຄົງ​ຂ້າງ ເພື່ອ​ນຳ​ມາປັບປຸງ​​ແກ້ໄຂ​ໃຫ້​ດີຂຶ້ນ​ສາມາດ​ຕອບ​ສະໜອງ​ຄວາມ​ຮຽກຮ້ອງ​ຕ້ອງການ​ຂອງ​ໜ້າທີ່​ການ​ເມືອງ.

        ພ້ອມທັງໄດ້​ຜ່ານ​ກ​ົດໝາຍ​ວ່າ​ດ້ວຍພະນັກງານ-ລັດຖະກອນ ​ແລະ ປະທານ ກອງ​ປະຊຸມ​ໄດ້​ຜ່ານ ດຳ​ລັດ ​ວ່າ​ດ້ວຍ​ການ​ປະ​ເມີນ​ຜົນ​ການ​ປະຕິບັດ​ວຽກ​ງານ​ຂອງ​ພະນັກງານ-ລັດຖະກອນ ​ແລະ ຄຳ​ແນະນຳ ຂອງ​ພະ​ແນ​ກພາຍ​ໃນວ່າ​ດ້ວຍ​ການ​ປະ​ເມີນ​ຜົນ​ການ​ປະຕິບັດ​ວຽກ​ງານ​ຂອງ​ພະນັກງານ-ລັດຖະກອນ. ​ເອກະສານ​ດັ່ງກ່າວ​ແມ່ນ​ໄດ້​ກຳນົດ​ຫຼັກການ, ລະບຽບການ, ມາດຖານເງື່ອນ​ໄຂ​ຂອງ​ການຈັດ​ຕັ້ງປະຕິບັດການ​ເຄື່ອນ​ໄຫວ, ສິດ ​ແລະ ໜ້າ​ທີ່ຂອງ​ຜູ້​ຖືກ​ປະ​ເມີນ ​ແລະ ຜູ່​ປະ​ເມີນ, ການ​ຕິດຕາມ​ກວດກາ​ຂອງ​ວຽກງານ​ຂອງພະນັກງານ​ລັດຖະກອນ ​ເພື່ອ​ເຮັດ​ໃຫ້ ການ​ຈັດ​ຕັ້ງ​ພັກ-ລັດ, ອົງການ​ຈັດ​ຕັ້ງ​ມາ​ຫາ​ຊົນມີ​ຄວາມ​ໜັກ​ແໜ້ນ ​ແລະ ​ເຂັ້ມ​ແຂງ​ໃຫ້​ຖືກຕ້ອງ​ສອດຄ່ອງ​ ກັບ​ແນວທາງ​ນະ​ໂຍບາຍ​ພັກ ​ແລະ ລະບຽບ​ກົດໝາຍ​ຂອງ​ລັດ ຮັບປະກັນ​ຄວາມ​ເປັນ​ເອກະ​ພາບ​ຖືກຕ້ອງ​ກັບ​ຄວາມ​ເປັນ​ຈິງ. ການ​ປະ​ເມີນ​ໃນ​ຄັ້ງ​ນີ້​​ ແມ່ນຍົກ​ໃຫ້​ເຫັນ​ຜົນງານ​ທີ່​ຜົນ​ເດັ່ນ, ດ້ານ​ອ່ອນ-ຂໍ້ຄົງ​ຂ້າງ, ວິທີ​ແກ້​​ໄຂ​ໃນ​ຕໍ່ໜ້າ, ໝູ່ຄະນະປະກອບ​ຄຳ​ເຫັນ​ເພື່ອ​ເປັນ​ການ​ຕຳນິສົ່ງ​ຂ່າວ, ກໍ່ສ້າງຊ່ວຍ​ເຫຼືອ​ເຊິ່ງກັນ ​ແລະ ກັນ ​ໃຫ້​ມີ​ຄວາມ​ກ້າວໜ້າ ​ແລະ ຫ້າວຫັນ​ໃນ​ການ​ປະຕິບັດ​ໜ້າ​ທີ່​ວຽກ​ງານ​ໃນ​ຕໍ່ໜ້າ ພ້ອມ​ທັງ​ໃຫ້​ຄະ​ແນນ​ແບບ​ປິດ​ຫຼັບຂອງພະນັກງານ​-ລັດຖະກອນ​​ແຕ່​ລະສະ​ຫາຍ