ຄະນະໂຄສະນາອົບຮົມແຂວງ ບໍ່ແກ້ວ ເຊື່ອຊຶມເອກະສານ ກຳນົດຕຳແໜງງານ

ລາຍລະອຽດ

ສ້າງຂື້ນເມື່ອ ວັນສຸກ, 30 ທັນວາ 2022 03:40

ຂຽນໂດຍ ທ້າວ ສອນຫຼ້າ

ຄະນະໂຄສະນາອົບຮົມແຂວງ ບໍ່ແກ້ວ ເຊື່ອຊຶມເອກະສານ ກຳນົດຕຳແໜງງານ ໃນວັນທີ 26 ທັນວາ 2022

       ໃນວັນທີ 26 ທັນວາ ທີ່ຜາມາ ຄະນະໂຄສະນາອົບຮົມແຂວງເຊື່ອຊຶມເອກະສານ ກຳນົດຕຳແໜງງານໃຫ້ພະນັກງານ-ລັດຖະກອນພາຍໃນຄະນະໂຄສະນາອົບຮົມແຂວງໃຫ້ກຽດເປັນປະທານ ຂອງທ່ານ ຄອນສະຫວັນ ຊາພັກດີ ຫົວໜ້າຄະນະໂຄສະນາອົບຮົມແຂວງ ບໍ່ແກ້ວມີສະມາຊິກພັກ, ພະນັກງານ-ລັດຖະກອນເຂົ້າຮ່ວມ

           ຄະນະຮັບຜິດຊອບໄດ້ຜ່ານບັນດາຄຳແນະນຳກ່ຽວກັບການກຳນົດຕໍາແໜງງານ ແລະ ການປັບປຸງພາລະບົດບາດຂອງຄະນະໂຄສະນາອົບຮົມແຂວງ ໃຫ້ແທດເໝາະກັບໜ້າທີ່ການເມືອງໃນໄລຍະໃໝ່ໃຫ້ສະມາຊິກພັກ, ພະນັກງານ-ລັດຖະກອນໄດ້ຮັບຮູ້ ແລະ ເຂົ້າໃຈກ່ຽວກັບເນື້ອໃນເອກະສານດັ່ງກ່າວ ເພື່່ອໃນການບັນຈຸຊັບຊ້ອນໃຫ້ແທດເໝາະກັບມາດຖານ-ເງຶ່ອນໄຂ, ຄວາມຮຽກຮ້ອງຕ້ອງການຂອງໜ້າທີ່ການເມືອງໃນບັນດາຂະແໜງການທີ່ກ່ຽວຂ້ອງ ໃຫ້ສອດຄອງກັບວິຊາສະເພາະ ແລະ ການຂາດເຂີນພະນັກງານຫຼັກແຫຼງ-ວິຊາການ.

• < ຕໍ່ໄປ
• ຕໍ່ໄປ >