ພິທີວາງພວງມາລາ ເນື່ຶງໃນວັນເກີດທ່ານ ໄກສອນພົມ ວິຫານ ຄົບຮອບ 102 ປີ

ລາຍລະອຽດ

ສ້າງຂື້ນເມື່ອ ວັນພຸດ, 14 ທັນວາ 2022 04:43

ຂຽນໂດຍ ທ້າວ ສອນຫຼ້າ

   ຄະນະພັກ-ຄະນະນຳຂອງແຂວງ, ຫົວໜ້າ-ຮອງຫົວໜ້າ ແລະ ສະມາຊິກພັກວາງກະຕ່າດອກໄມ້ຢູ່ສະຖານທີ່ອະນຸສອນສະຖານປະທານ ໄກສອນ ພົມວິຫານ

ເນື່ອງໃນໂອກາດວັນຄ້າຍວັນກີດປະທານ ໄກສອນພົມ ວິຫານ ຄົບຮອບ 102 ປີ

           ໃນຕອນເຊົ້າວັນທີ 13 ທັນວາ 2022 ຄະນະປະຈຳພັັກແຂວງ, ກຳມະການພັກແຂວງ ແລະ ຫົວໜ້າ-ຮອງຫົວໜ້າ ແລະ ສະມາຊິກພັກອ້ອມຂ້າງແຂວງ ວາງກະຕ່າດອກໄມ້ຢູ່ສະຖານທີ່ອະນຸສອນສະຖານປະທານ ໄກສອນ ພົມວິຫານ ເນື່ອງໃນໂອກາດວັນຄ້າຍວັນກີດປະທານ ໄກສອນພົມ ວິຫານ ຄົບຮອບ 102 ປີ ພິທີວາງພວງມາລາໄດ້ຈັດເປັນຂົງເຂດເຂົ້າວາງນຳພາໂດຍຄະນະພັກ-ຄະນະນຳຂອງແຂວງ, ຂົງເຂດພັກ-ພະນັກງານ, ຂົງເຂດ ປກຊ-ປກສ, ຂົງເຂດຕຸລາການ, ຂົງເຂດວັດທະນະທຳສັງຄົມ, ຂົງເຂດເສດຖະກິດ ແລະ ຂົງເຂດອົງການຈັດຕັ້ງມາຫາຊົນ.

          ເນື່ອງໃນໂອກາດວັນຄ້າຍວັນເກີດຂອງປະທານ ໄກສອນ ພົມວິຫານ ທີ່ໄດ້ໝູນວຽນມາບັນຈົບຄົບຮອບອິກວາລະໜຶ່ງ ເຊິ່ງມີອາຍຸຄົບ 102 ປີ. ປະທານ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກຂອງປວງຊົນລາວທັງຊາດ, ໃນມື້ນີ້ການນໍາພັກ-ລັດທຸກພາກສ່ວນທຸກການຈັດຕັ້ງອ້ອມຂ້າງແຂວງບໍ່ແກ້ວໄດ້ນໍາເອົາກະຕ່າດອກໄມ້ທີ່ງົດງາມ, ຫອມຫວນ ແລະ ສົດໃສ ເຊິ່ງເປັນສິ່ງແທນດວງໃຈຂອງພະນັກງານ-ສະມາຊິກພັກ, ທະຫານ-ຕຳຫຼວດ ແລະ ທົ່ວປວງຊົນລາວບັນດາເຜົ່າຊາວແຂວງບໍ່ແກ້ວ ເຂົ້າມານ້ອມເຄົາລົບຕໍ່ອານຸສອນສະຖານຂອງທ່ານເພື່ອສະແດງຄວາມອາໄລຮັກຢ່າງສຸດຊຶ້ງ, ຄວາມກະຕັນຍູຮູ້ບຸນຄຸນຕໍ່ປະທານ ໄກສອນ ພົມວິຫານ ອາດີດການນໍາສູງສຸດຂອງພັກຜູ້ກໍ່ຕັ້ງພັກປະຊາຊົນປະຕິວັດລາວ, ຜູ້ສ້າງຕັ້ງກອງທັບປະຊາຊົນລາວ ແລະ ເປັນຜູ້ວາງແນວທາງປ່ຽນແປງໃໝ່ຮອບດ້ານຂອງພັກທີ່ສະຫຼາດສ່ອງໃສ, ຍ້ອນພາລະກິດ ແລະ ບຸນຄຸນຂອງທ່ານທີ່ໄດ້ສ້າງມານັ້ນຈື່ງເຮັດໃຫ້ປະເທດຊາດຂອງພວກເຮົາຫຼຸດພົ້ນອອກຈາກການກົດຂີ່ຂູດຮີດ, ຂອງພວກສັກດີນາ ແລະ ພວກລ່າເມືອງຂຶ້ນ, ສາມາດຍາດໄດ້ໄຊຊະນະຢ່າງສົມບູນ, ປະເທດຊາດໄດ້ຮັບການພັດທະນາກ້າວຂຶ້ນຢ່າງບໍ່ຢຸດຢັ້ງ, ຜົນງານ ແລະຄຸນງາມຄວາມດີຂອງທ່ານແມ່ນໄດ້ຝັງໄວ້ໃນດວງໃຈຂອງພະນັກງານ-ສະມາຊິກພັກ, ທະຫານ-ຕຳຫຼວດ ແລະ ປະຊາຊົນລາວບັນດາເຜົ່າທົ່ວແຂວງ ບໍ່ແກ້ວ ຢ່າງບໍມີວັນລືມ, ຂໍໃຫ້ດວງວິນຍານຂອງທ່ານທີ່ຢູ່ເທິງສະຫວັນຊັ້ນດາວະດຶງຈົ່ງຮັບຮູ້ວ່າ: ການນໍາພັກ-ລັດ, ສະມາຊິກພັກ, ພະນັກງານ, ທະຫານ-ຕຳຫຼວດ ແລະ ປະຊາຊົນລາວບັນດາເຜົ່າແມ່ນໄດ້ສືບທອດພາລະກິດເດີນຕາມແນວທາງ, ອຸດົມການ ຂອງພັກປະຊາຊົນລາວ ປະຕິວັດລາວ ທີ່ໄດ້ກຳນົດໄວ້ຢ່າງໜັກແໜ້ນ ແລະ ສືບຕໍ່ປົກປັກຮັກສາໝາກຜົນຂອງການປະຕິວັດທີ່ທ່ານໄດ້ນໍາພາຍາດມາໄດ້ ດ້ວຍເລືອດເນື້ອ, ເຫື່ອແຮງ ແລະ ສະຕິປັນຍາມັນສະໝອງ, ພ້ອມກັນສ້າງສາພັດທະນາປະເທດຊາດກໍຄືແຂວງບໍ່ແກ້ວໃຫ້ນັບມື້ຈະເລີນຮຸ່ງເຮືອງກ້າວຂຶ້ນຢ່າງບໍ່ຢຸດຢັ້ງ.

• < ຕໍ່ໄປ
• ຕໍ່ໄປ >