ປາຖະກະຖາວັນອົງການໄອຍະການປະຊາຊົນ ຄົບຮອບ 32ປີ

ລາຍລະອຽດ

ສ້າງຂື້ນເມື່ອ ວັນອັງຄານ, 18 ມັງກອນ 2022 05:57

ຂຽນໂດຍ ທ້າວ ສອນຫຼ້າ

ຄະນະໂຄສະນາອົບຮົມແຂວງ ບໍ່ແກ້ວ

ຈັດຕັ້ງປາຖະກະຖາ ວັນສ້າງຕັ້ງອົງການໄອຍະການປະຊາຊົນ  ຄົບຮອບ 32 ປີ

ຄະນະໂຄສະນາອົບຮົມແຂວງ ໄດ້ຈັດຕັ້ງປາຖະກະຖາວັນສ້າງຕັ້ງອົງການໄອຍະການປະຊາຊົນ  ຄົບຮອບ 32 ປີ ໃນວັນທີ 18 ມັງກອນ 2022 ເວລາ 8:30 ນາທີ, ຢູ່ທີ່ຫ້ອງປະຊຸມຄະນະໂຄສະນາອົບຮົມແຂວງ ບໍ່ແກ້ວໃຫ້ກຽດຂຶ້ນເລົ່າມູນເຊື້ອໂດຍທ່ານ ຄອນສະຫວັນ ຊາພັກດີ ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ ມີບັນດາຄະນະພັກ, ຫົວໜ້າ-ຮອງຫົວໜ້າຂະແໜງການ, ສະມາຊິກພັກ ແລະ ພະນັກງານ-ລັດຖະກອນເຂົ້າຮ່ວມທັງໝົດ 10 ສະຫາຍ, ຍິງ 7 ສະຫາຍ.

ການຈັດຕັ້ງປາຖະກະຖາໃນຄັ້ງນີ້ເພື່ອຫວນຄືນຂະບວນວິວັດແຫ່ງການກໍາເນີດເກີດຂຶ້ນ ແລະ ຂະຫຍາຍຕົວຂອງອົງການໄອຍະການປະຊາຊົນຂັ້ນສູນກາງລົງຮອດທ້ອງຖິ່ນ ກໍຄືການສ້າງລັດປະຊາທິປະໄຕ ປະຊາຊົນທີ່ປົກຄອງດ້ວຍກົດຫມາຍໃນຕະຫຼອດໄລຍະທີ່ຜ່ານມາ ແນໃສ່ສຶກສາອົບຮົມການເມືອງ-ແນວຄິດໃນທົ່ວພັກ-ລັດ, ທົ່ວກຳລັງປະກອບອາວຸດ, ແນວລາວສ້າງຊາດ, ສະຫະພັນນັກຮົບເກົ່າ, ອົງການຈັດຕັ້ງມະຫາຊົນ, ອົງການຈັດຕັ້ງສັງຄົມ ແລະ ພົນລະເມືອງລາວທຸກທົ່ວໜ້າ.

ວຽກງານໄອຍະການເປັນຫວຽກງານໜຶ່ງທີສຳຄັນປະກອບສວນເຂົ້າໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ເພື່ອປົກປັກຮັກສາຜົນປະໂຫຍດຂອງລັດ, ສັງຄົມ, ສິດ ແລະ ຜົນປະໂຫຍດອັນຊອບທຳຂອງພົນລະເມືອງ, ຮັບປະກັນໃຫ້ສັງຄົມມີຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ຍຸຕິທຳ.

• < ຕໍ່ໄປ
• ຕໍ່ໄປ >