ສຳເລັດການເກັບກຳວຽກຫາງສຽງສັງຄົມຢູ່ເມືອງຕົ້ນເຜິ້ງ ແລະ ເມືອງຜາອຸດົມ ປີ 2020

ລາຍລະອຽດ

ສ້າງຂື້ນເມື່ອ ວັນພຸດ, 07 ຕຸລາ 2020 07:47

ຂຽນໂດຍ ທ້າວ ສອນຫຼ້າ

ສຳເລັດການຝຶກອົບຮົມວຽກງານສັງລວມ-ຫາງສຽງສັງຄົມ ຄວາມຮູ້ພື້ນຖານໃຫ້ແກ່ 2 ເມືອງຄື: ເມືອງຕົ້ນເຜິ້ງ ແລະ ເມືອງຜາອຸດົມ.

        ໃນວັນທີ 14-17 ກໍລະກົດ 2020 ຜ່ານມານີ້ ຄະນະໂຄສະນາອົບຮົມແຂວງ ແລະ ຄະນະໂຄສະນາອົບຮົມເມືອງ 2 ເມືອງໄດ້ສົມທົບກັບ ຄະນະໂຄສະນາອົບຮົມສູນກາງພັກ ( ກົມສັງລວມ ) ຈັດຕັ້ງຊຸດອົບຮົມ ວຽກງານສັງລວມ-ຫາງສຽງສັງຄົມຂຶ້ນຢູ່ທີ່ຫ້ອງປະຊຸມຂອງຫ້ອງວ່າການເມືອງ  ໂດຍພາຍໃຕ້ການເປັນປະທານຂອງຄະນະປະຈຳພັກເມືອງ, ມີນັກສຳມານາກອນທີ່ມາຈາກບັນດາອ້ອມຂ້າງຂອງເມືອງ ແລະ ຮາກຖານກຸ່ມໃຫຍ່ ເຂົ້າຮ່ວມທັງໝົດ 101 ສະຫາຍ, ຍິງ 26 ສະຫາຍ . ໃນນັ້ນເມືອງຕົ້ນເຜິ້ງ 49 ສະຫາຍ, ຍິງ 13 ສະຫາຍ, ແລະ ເມືອງ ຜາອຸດົມ 52 ສະຫາຍ, ຍິງ 13 ສະຫາຍ.

        ການຈັດຕັ້ງຝຶກອົບຮົມໃນຄັ້ງນີ້ແມ່ນແມ່ນໄດ້ນຳໃຊ້ເອກະສານ 4 ບົດ  ໃນນັ້ນມີຄື:

1. ເມືອງຕົ້ນເຜິ້ງ.

+ ບົດທີ1: ບັນຫາພື້ນຖານ ກ່ຽວກັບວຽກງານຫາງສຽງສັງຄົມ

+  ບົດທີ2: ວິທີການເກັບກໍາ ແລະ ການນໍາໃຊ້ຫາງສຽງສັງຄົມເຂົ້າໃນວຽກງານການເມືອງ-ແນວຄິດ.

+ ບົດທີ3:ຕາໜາງເພື່ອນຮ່ວມງານ.

+ ບົດທີ4: ວຽກງານຄົ້ນຄ້ວາ-ສັງລວມ

+ ສະເໜີ ໂດຍ: ທ່ານ ນາງແສງຕານ ແກ້ວອິນດາປິງ ຫົວໜ້າກົມສັງລວມ ຂອງຄະນະໂຄສະນາອົບຮົມສູນກາງພັກ.

ພິເສດ: ແມ່ນນັກສຳມານາກອນ ຍັງໄດ້ເຊື່ອມຊຶມເອກະສານເລກທີ04/ຄລພສ ແລະ ເລກທີ 08 /ຄອສພ, ວ່າດ້ວຍການເພີ່ມທະວີວຽກງານຕິດຕາມເກັບກຳສະພາບແນວຄິດ-ຫາງສຽງສັງຄົມໃນໄລຍະໃຫມ່, ບັນລະຍາຍໂດຍ:ສະຫາຍ ສຸກຂະ ຫຼຽນທອງທອງຄຳ ກຳມະການພັກແຂວງ, ເລຂາໜ່ວຍພັກ, ຫົວໜ້າຄະນະໂຄສະນາອົບຮົມແຂວງ ເຊື່ອມຊື່ມຢູ່ໃນເມືອງຕົ້ນເຜິ້ງ.

2. ເມືອງຜາອຸດົມ

+ ບົດທີ1: ບັນຫາພື້ນຖານ ກ່ຽວກັບວຽກງານຫາງສຽງສັງຄົມ, ໄດ້ເຊື່ອມຊຶມເອກະສານເລກທີ04/ຄລພສ ແລະ ເລກທີ 08 /ຄອສພ, ວ່າ

ດ້ວຍການເພີ່ມທະວີວຽກງານຕິດຕາມເກັບກຳສະພາບແນວຄິດ-ຫາງສຽງສັງຄົມໃນໄລຍະໃຫມ່ , ໂດຍສະຫາຍ ອຸດົມການ ແກ້ວພວງເພັດ ຮອງເລຂາຣ່ວຍພັກ,ຮອງຫົວໜ້າຄະນະໂຄສະນາອົບຮົມແຂວງ ເຊື່ອມຊຶມຢູ່ໃນເມືອງຜາອຸດົມ.

+  ບົດທີ2: ວິທີການເກັບກໍາ ແລະ ການນໍາໃຊ້ຫາງສຽງສັງຄົມເຂົ້າໃນວຽກງານການເມືອງ-ແນວຄິດ ສະເໜີໂດຍ ສະຫາຍ ນາງ ມະນີວັນ ພັນປະເສີດ ຄະນະປະຈຳພັກເມືອງ, ຫົວໜ້າຄະນະຈັດຕັ້ງເມືອງຜາອຸດົມ

+ ບົດທີ3:ຕາໜາງເພື່ອນຮ່ວມງານ ສະເໜີ ໂດຍ ສະຫາຍ ເເສງຈັນ ອຸ່ນສະຫວັດ ວ່າການຫົວໜ້າຄະນະໂຄສະນາອົບຮົມເມືອງ.

+ ບົດທີ4: ວຽກງານຄົ້ນຄ້ວາ-ສັງລວມ ສະເໜີ ໂດຍສະຫາຍ ສົມບຸນ ສຸກປະເສີດ ຮອງຫົວໜ້າຂະແໜງສັງລວມ-ຫາງສຽງສັງຄົມ.

        ຈຸດປະສົງຂອງການຝຶກອົບຮົມໃນຄັ້ງນີ້ ແມ່ນເພື່ອເຮັດໃຫ້ ຄະນະຮັບຜິດຊອບ - ເພື່ອນຮ່ວມງານ ພະນັກງານທີ່ເຮັດວຽກງານສັງລວມ ເກັບກຳຫາງສຽງສັງຄົມ ໄດ້ຮັບຮູ້-ເຂົ້າໃຈ ກຳໄດ້ຄວາມໝາຍຄວາມສຳຄັນ, ພາລະບົດບາດ, ສິດໜ້າທີ່ຂອງຕົນໃນການຕິດຕາມ ເກັບກຳຫາງສຽງສັງຄົມ, ກຳໄດ້ເຕົກນິດວິທີການນຳໃຊ້ ເຂົ້າໃນການເກັບກຳຫາງສຽງສັງຄົມ ແລະ ເຮັດວຽກງານຄົ້ນຄ້ວາສັງລວມ, ວິທີການສ້າງຕາໜ່າງເພື່ອຮ່ວມງານ, ຄວາມຮູ້-ຄວາມສາມາດ ທາງດ້ານວິຊາສະເພາະ ໃຫ້ແກ່ຜູ້ເຮັດວຍກງານຄົ້ນຄ້ວາສັງລວມ ແລະ ເກັບກຳຫາງສຽງສັງຄົມໃຫ້ມີປະສິດທິຜົນສູງຂຶ້ນເລື້ອຍໆ ພ້ອມທັງເປັນເສນາທິການໃຫ້ແກ່ຄະນະພັກ, ຄະນະນຳຂອງເມືອງໃນການເກັບກຳບັນດາຫາງສຽງສັງຄົມ ແລະ ວຽກງານຄົ້ນຄ້ວາສັງລວມໄດ້ຢ່າງທັນການ.

• < ຕໍ່ໄປ
• ຕໍ່ໄປ >